kisi ki ishwa-gari se ba-ghair-e-fasl-e-bahaar

kisī kī ishva-garī se ba-ġhair-e-fasl-e-bahār

sabhī kā chaak girebāñ hai dekhiye kyā ho

tumheñ ḳhabar hī nahīñ ai tuyūr-e-naġhma-sarā

yahī chaman yahī zindāñ hai dekhiye kyā ho

jahāñ kashūd-e-navā par ḳhizāñ ke pahre haiñ

vahīñ bahār-e-ġhazal-ḳhvāñ hai dekhiye kyā ho

subū uThā ki ye nāzuk maqām hai saaqī

na ahrman hai na yazdāñ hai dekhiye kyā ho

ravāñ hai mauj-e-gul-o-lāla mauj-e-ḳhūñ kī tarah

chaman shahīd-e-bahārāñ hai dekhiye kyā ho

darāzi-e-shab-e-hijrāñ se mujh ko ḳhauf na thā

kisī kī zulf-e-pareshāñ hai dekhiye kyā ho

havā kā rañg ye hai āshiyāñ to ek taraf

qafas bhī shāḳh pe larzāñ hai dekhiye kyā ho

yahī hai dil se shikāyat ki merā mahram-e-rāz

mujhī se dast-o-girebāñ hai dekhiye kyā ho

hamīñ haiñ pīr-e-muġhāñ kāfiroñ ke ai 'ābid'

hamīñ ko dāvā-e-īmāñ hai dekhiye kyā ho

kisi ki ishwa-gari se ba-ghair-e-fasl-e-bahaar

sabhi ka chaak gireban hai dekhiye kya ho

tumhein KHabar hi nahin ai tuyur-e-naghma-sara

yahi chaman yahi zindan hai dekhiye kya ho

jahan kashud-e-nawa par KHizan ke pahre hain

wahin bahaar-e-ghazal-KHwan hai dekhiye kya ho

subu uTha ki ye nazuk maqam hai saqi

na ahrman hai na yazdan hai dekhiye kya ho

rawan hai mauj-e-gul-o-lala mauj-e-KHun ki tarah

chaman shahid-e-bahaaran hai dekhiye kya ho

daraazi-e-shab-e-hijran se mujh ko KHauf na tha

kisi ki zulf-e-pareshan hai dekhiye kya ho

hawa ka rang ye hai aashiyan to ek taraf

qafas bhi shaKH pe larzan hai dekhiye kya ho

yahi hai dil se shikayat ki mera mahram-e-raaz

mujhi se dast-o-gireban hai dekhiye kya ho

hamin hain pir-e-mughan kafiron ke ai 'abid'

hamin ko dawa-e-iman hai dekhiye kya ho