kisi ki jubba-sai se kabhi ghista nahin patthar

kisī kī jubba-sā.ī se kabhī ghistā nahīñ patthar

vo chaukhaT mom kī chaukhaT hai yā merī jabīñ patthar

khulā ab rakhte haiñ pahlū maiñ pinhāñ nāznīñ patthar

na thā ma.alūm haiñ qalb-e-butān-o-mah-jabīñ patthar

biThāyā ḳhātam-e-izzat pe tere nām-e-nāmī ne

vagarna hai ye zāhir thā haqīqat meñ nagīñ patthar

dikhā.e phir na kyuuñ tāsīr apnī jazb-e-rūhānī

yaqīñ ho jaa.e jab hājat-ravā hai bil-yaqīñ patthar

talāsh-e-yār meñ kyā ḳhaar dāman-gīr himmat hoñ

hue nādim mile jab sadd-e-rah ban kar kahīñ patthar

jo maiñ ai koh-kan duuñ jān-e-shīrīñ ishq-e-shīrīñ meñ

to dikhlā.e bajā.e shiir jū-e-ābgīñ patthar

girā duuñ faiz-e-e.ajāz-e-nubuvvat se vo momin huuñ

chhupā.eñ phir muḳhālif gar myān-e-āstīñ patthar

pas-e-murdan rahe qalb-o-jigar meñ gar yahī sozish

to lauh-e-sañg-e-marmar hogī az ḳhud ātishīñ patthar

ye kahtā hai kisī nā-mehrbāñ kā mehrbāñ honā

pasījeñge tirī garmī se āh-e-ātishīñ patthar

girīñ har sañg-dil par bijliyāñ aisī havādis kī

ki dete haiñ gavāhī terī āh-e-ātishīñ patthar

'habīb' aa.e kahāñ se tāzgī naḳhl-e-mazāmīñ meñ

jahāñ tak dekhiye hai yak-qalam ye gul-zamīñ patthar

kisi ki jubba-sai se kabhi ghista nahin patthar

wo chaukhaT mom ki chaukhaT hai ya meri jabin patthar

khula ab rakhte hain pahlu main pinhan naznin patthar

na tha malum hain qalb-e-butan-o-mah-jabin patthar

biThaya KHatam-e-izzat pe tere nam-e-nami ne

wagarna hai ye zahir tha haqiqat mein nagin patthar

dikhae phir na kyun tasir apni jazb-e-ruhani

yaqin ho jae jab hajat-rawa hai bil-yaqin patthar

talash-e-yar mein kya KHar daman-gir himmat hon

hue nadim mile jab sadd-e-rah ban kar kahin patthar

jo main ai koh-kan dun jaan-e-shirin ishq-e-shirin mein

to dikhlae bajae shir ju-e-abgin patthar

gira dun faiz-e-eajaz-e-nubuwwat se wo momin hun

chhupaen phir muKHalif gar myan-e-astin patthar

pas-e-murdan rahe qalb-o-jigar mein gar yahi sozish

to lauh-e-sang-e-marmar hogi az KHud aatishin patthar

ye kahta hai kisi na-mehrban ka mehrban hona

pasijenge teri garmi se aah-e-atishin patthar

girin har sang-dil par bijliyan aisi hawadis ki

ki dete hain gawahi teri aah-e-atishin patthar

'habib' aae kahan se tazgi naKHl-e-mazamin mein

jahan tak dekhiye hai yak-qalam ye gul-zamin patthar