kisi ko naz-e-KHirad hai kisi ko faKHr-e-junun

kisī ko nāz-e-ḳhirad hai kisī ko faḳhr-e-junūñ

maiñ apne dil kā fasāna kahūñ to kis se kahūñ

na iztirāb meñ lazzat na ārzū-e-sukūñ

koī kahe ki maiñ ab kyā fareb khā ke jiyūñ

rahegī phir na ye kaifiyyat-e-talab ai dil

chhupe hue haiñ to hai ishtiyāq-e-dīd fuzūñ

hai aaj dil pe gumāñ husn-e-nā-shanāsī kā

jalā chuke jab use jalvā-hā-e-gūnā-gūñ

ho ab bhī fikr meñ mushkil to yaad aate haiñ

vo har adā meñ taġhazzul ke saikḌoñ mazmūñ

tum aise kaun ḳhudā ho ki umr bhar tum se

umiid bhī na rakhūñ nā-umīd bhī na rahūñ

kisi ko naz-e-KHirad hai kisi ko faKHr-e-junun

main apne dil ka fasana kahun to kis se kahun

na iztirab mein lazzat na aarzu-e-sukun

koi kahe ki main ab kya fareb kha ke jiyun

rahegi phir na ye kaifiyyat-e-talab ai dil

chhupe hue hain to hai ishtiyaq-e-did fuzun

hai aaj dil pe guman husn-e-na-shanasi ka

jala chuke jab use jalwa-ha-e-guna-gun

ho ab bhi fikr mein mushkil to yaad aate hain

wo har ada mein taghazzul ke saikDon mazmun

tum aise kaun KHuda ho ki umr bhar tum se

umid bhi na rakhun na-umid bhi na rahun