kisi ne dekh liya tha jo sath chalte hue

kisī ne dekh liyā thā jo saath chalte hue

pahuñch ga.ī hai kahāñ jaane baat chalte hue

safar safar hai kabhī rā.egāñ nahīñ hotā

sar-e-sahar chalī aa.ī hai raat chalte hue

sunā hai tum bhī isī dasht-e-ġham se guzre ho

so ham ne kī hai baḌī ehtiyāt chalte hue

ham apnī ukhḌī huī sāñsoñ ko bahāl kareñ

kahīñ rakhe to sahī kā.enāt chalte hue

havā rukī to ajab husn thā magar 'shahbāz'

girā ga.ī hai ka.ī sūkhe paat chalte hue

kisi ne dekh liya tha jo sath chalte hue

pahunch gai hai kahan jaane baat chalte hue

safar safar hai kabhi raegan nahin hota

sar-e-sahar chali aai hai raat chalte hue

suna hai tum bhi isi dasht-e-gham se guzre ho

so hum ne ki hai baDi ehtiyat chalte hue

hum apni ukhDi hui sanson ko bahaal karen

kahin rakhe to sahi kaenat chalte hue

hawa ruki to ajab husn tha magar 'shahbaz'

gira gai hai kai sukhe pat chalte hue