kisi ne raat kaha uski dekh kar surat

kisī ne raat kahā us kī dekh kar sūrat

ki maiñ ġhulām huuñ is shakl kā bahar-sūrat

haiñ aa.ine ke bhī kyā tāle.a ab sikandar vaah

ki us nigār kī dekhe hai har sahar sūrat

ajab bahār huī kal to vaqt-e-nazzāra

jo maiñ idhar ko huā us ne kī udhar sūrat

udhar ko jab maiñ gayā us ne lī idhar ko pher

phirā maiñ us ne firā.ī jidhar jidhar sūrat

hazāroñ phurtiyāñ maiñ ne to kiiñ par us ne 'nazīr'

na dekhne dī mujhe apnī āñkh-bhar sūrat

kisi ne raat kaha us ki dekh kar surat

ki main ghulam hun is shakl ka bahar-surat

hain aaine ke bhi kya talea ab sikandar wah

ki us nigar ki dekhe hai har sahar surat

ajab bahaar hui kal to waqt-e-nazzara

jo main idhar ko hua us ne ki udhar surat

udhar ko jab main gaya us ne li idhar ko pher

phira main us ne firai jidhar jidhar surat

hazaron phurtiyan main ne to kin par us ne 'nazir'

na dekhne di mujhe apni aankh-bhar surat