kisi pe bar-e-digar bhi nigah kar na sake

kisī pe bār-e-digar bhī nigāh kar na sake

koī bhī shauq ba-hadd-e-gunāh kar na sake

ujaD-pane meñ talab kar ga.e javāz-e-ḳhatā

ḳhizar ke saath bhī ham to nibāh kar na sake

dayār-e-hijr basāyā hai jo ki barsoñ meñ

dam-e-visāl kī ḳhātir tabāh kar na sake

amaañ talab na hue dasht-e-be-panāh meñ ham

savād-e-jāñ bhī magar harf-e-rāh kar na sake

safar-ma.āb yahī bahr-o-bar hai phir bhī ham

paroñ ko apne kushā ḳhvāh-maḳhvāh kar na sake

kisi pe bar-e-digar bhi nigah kar na sake

koi bhi shauq ba-hadd-e-gunah kar na sake

ujaD-pane mein talab kar gae jawaz-e-KHata

KHizar ke sath bhi hum to nibah kar na sake

dayar-e-hijr basaya hai jo ki barson mein

dam-e-visal ki KHatir tabah kar na sake

aman talab na hue dasht-e-be-panah mein hum

sawad-e-jaan bhi magar harf-e-rah kar na sake

safar-maab yahi bahr-o-bar hai phir bhi hum

paron ko apne kusha KHwah-maKHwah kar na sake