kisi se bhi nahin hum sabr ki talqin lete hain

kisī se bhī nahīñ ham sabr kī talqīn lete haiñ

hameñ miltī nahīñ jo chiiz us ko chhīn lete haiñ

buḌhāpā aa gayā lekin nahīñ badlā mizāj un kā

abhī tak kapḌe vo apne liye rañgīn lete haiñ

faqīroñ ko kabhī dar se na ḳhālī lauTne denā

duā.eñ dete haiñ ḳhairāt jab miskīn lete haiñ

vo saare log ranj-o-ġham se pā jaate haiñ āzādī

jo sub.h-o-shām vird-e-sūra-e-yāsīn lete haiñ

tumheñ hairat hai kyoñ ahal-e-filistīñ kī shujā.at par

yazīdoñ se sadā lohā to ahl-e-dīn lete haiñ

kisi se bhi nahin hum sabr ki talqin lete hain

hamein milti nahin jo chiz us ko chhin lete hain

buDhapa aa gaya lekin nahin badla mizaj un ka

abhi tak kapDe wo apne liye rangin lete hain

faqiron ko kabhi dar se na KHali lauTne dena

duaen dete hain KHairaat jab miskin lete hain

wo sare log ranj-o-gham se pa jate hain aazadi

jo subh-o-sham wird-e-sura-e-yasin lete hain

tumhein hairat hai kyon ahal-e-filistin ki shujaat par

yazidon se sada loha to ahl-e-din lete hain