aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

har ek chiz mayassar siwae bosa hai

Syed Kashif Raza

har ek chiz mayassar siwae bosa hai

Syed Kashif Raza

MORE BYSyed Kashif Raza

    har ek chiiz mayassar sivā.e bosa hai

    aur apne ġham sabab iltavā-e-bosa hai

    bhale to lagte haiñ inkār-e-bosa par bhī ye hoñT

    kabhī to ye kaho ''ye lab barā.e bosa'' hai

    mire qarīb se hoñToñ ko mat guzār itnā

    ki chal rahī mire sar meñ havā-e-bosa hai

    chhupāyā kar nahīñ hoñToñ ko muskurāte hue

    ye jā-e-sharm nahīñ hai ye jā-e-bosa hai

    lab-e-ḳhamosh pe bhī hai mire kaam harf

    mirī murād ye bhī hai jo pā-e-bosa hai

    samajh meñ kuchh nahīñ aatā ki boltī ho kyā

    laboñ pe kheltī phirtī nidā-e-bosa hai

    yahī na chhoḌ ke tishna-kām hoñToñ par

    ki ye to bosa-e-sahv-e-qazā-e-bosa hai

    tumhārī ḳhush-dahnī se hai asl meñ sarokār

    ye lab bosa to bas ibtidā-e-bosa hai

    bas ek bosa-e-sub.h aur ek bosa-e-shām!

    faqīr-e-bosa huuñ aur iltijā-e-bosa hai

    labān-e-bosa-chashīda bhī ḳhuub haiñ lekin

    nigah meñ ek but-e-nāḳhudā-e-bosa hai

    har ek chiz mayassar siwae bosa hai

    aur apne gham ka sabab iltawa-e-bosa hai

    bhale to lagte hain inkar-e-bosa par bhi ye honT

    kabhi to ye kaho ye lab barae bosa hai

    mere qarib se honTon ko mat guzar itna

    ki chal rahi mere sar mein hawa-e-bosa hai

    chhupaya kar nahin honTon ko muskuraate hue

    ye ja-e-sharm nahin hai ye ja-e-bosa hai

    lab-e-KHamosh pe bhi hai mere hi kaam ka harf

    meri murad ye bhi hai jo pa-e-bosa hai

    samajh mein kuchh nahin aata ki bolti ho kya

    labon pe khelti phirti nida-e-bosa hai

    yahi na chhoD ke ja tishna-kaam honTon par

    ki ye to bosa-e-sahw-e-qaza-e-bosa hai

    tumhaari KHush-dahni se hai asl mein sarokar

    ye lab ka bosa to bas ibtida-e-bosa hai

    bas ek bosa-e-subh aur ek bosa-e-sham!

    faqir-e-bosa hun aur iltija-e-bosa hai

    laban-e-bosa-chashida bhi KHub hain lekin

    nigah mein ek but-e-naKHuda-e-bosa hai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now