kitna dushwar hai jazbon ki tijarat karna

kitnā dushvār hai jazboñ kī tijārat karnā

ek hī shaḳhs se do baar mohabbat karnā

jis ko tum chāho koī aur na chāhe us ko

is ko kahte haiñ mohabbat meñ siyāsat karnā

surma.ī aañkh hasīñ jism gulābī chehrā

is ko kahte haiñ kitābat pe kitābat karnā

dil kī taḳhtī pe bhī āyāt likhī rahtī haiñ

vaqt mil jaa.e to un kī bhī tilāvat karnā

dekh lenā baḌī taskīn milegī tum ko

ḳhud se ik roz kabhī apnī shikāyat karnā

jis meñ kuchh qabreñ hoñ kuchh chehre hoñ kuchh yādeñ hoñ

kitnā dushvār hai us shahr se hijrat karnā

kitna dushwar hai jazbon ki tijarat karna

ek hi shaKHs se do bar mohabbat karna

jis ko tum chaho koi aur na chahe us ko

is ko kahte hain mohabbat mein siyasat karna

surmai aankh hasin jism gulabi chehra

is ko kahte hain kitabat pe kitabat karna

dil ki taKHti pe bhi aayat likhi rahti hain

waqt mil jae to un ki bhi tilawat karna

dekh lena baDi taskin milegi tum ko

KHud se ek roz kabhi apni shikayat karna

jis mein kuchh qabren hon kuchh chehre hon kuchh yaaden hon

kitna dushwar hai us shahr se hijrat karna