kitna sada shabab lagti ho

kitnā saada shabāb lagtī ho

ek taaza gulāb lagtī ho

aap husn-o-jamāl kī sūrat

ek shā.ir kā ḳhvāb lagtī ho

āsmāñ ke sabhī sitāroñ meñ

ik tumhīñ āftāb lagtī ho

kyuuñ nasha ban ke chaḌh ga.iiñ mujh par

haañ purānī sharāb lagtī ho

zulf uljhī huī hai sāvan sī

barsā barsā shabāb lagtī ho

jis pe har baar maiñ aTaktā huuñ

vo savāl ai hisāb lagtī ho

chāñd chhuptā hai tum se sharmā kar

kitnī tum lā-javāb lagtī ho

ek muddat dabī dabī rah kar

aaj tum inqalāb lagtī ho

mujh ko dekhā jo saath ġhairoñ ke

tum to jal kar kabāb lagtī ho

ab ḳhayāloñ meñ bhī nahīñ ho tum

ik mukammal azaab lagtī ho

tum ne 'zuhaib' ko jo Thukrāyā

ḳhud bhī ḳhāna-ḳharāb lagtī ho

kitna sada shabab lagti ho

ek taza gulab lagti ho

aap husn-o-jamal ki surat

ek shair ka KHwab lagti ho

aasman ke sabhi sitaron mein

ek tumhin aaftab lagti ho

kyun nasha ban ke chaDh gain mujh par

han purani sharab lagti ho

zulf uljhi hui hai sawan si

barsa barsa shabab lagti ho

jis pe har bar main aTakta hun

wo sawal ai hisab lagti ho

chand chhupta hai tum se sharma kar

kitni tum la-jawab lagti ho

ek muddat dabi dabi rah kar

aaj tum inqalab lagti ho

mujh ko dekha jo sath ghairon ke

tum to jal kar kabab lagti ho

ab KHayalon mein bhi nahin ho tum

ek mukammal azab lagti ho

tum ne 'zuhaib' ko jo Thukraya

KHud bhi KHana-KHarab lagti ho