kitna sukut hai rasan-o-dar ki taraf

kitnā sukūt hai rasan-o-dār kī taraf

aatā hai kaun jur.at-e-iz.hār kī taraf

dasht-e-vafā meñ ābla-pā koī ab nahīñ

sab jā rahe haiñ sāya-e-dīvār kī taraf

qasr-e-shahī se kahte haiñ niklegā mehr-e-nau

ahl-e-ḳhirad haiñ is liye sarkār kī taraf

veitnam-o-Korea se adū ko nikāl leñ

ā.eñge lauT kar lab-o-ruḳhsār kī taraf

baaqī jahāñ meñ rah gayā 'ġhālib' kā naam hī

har-chand ik hujūm thā aġhyār kī taraf

kitna sukut hai rasan-o-dar ki taraf

aata hai kaun jurat-e-izhaar ki taraf

dasht-e-wafa mein aabla-pa koi ab nahin

sab ja rahe hain saya-e-diwar ki taraf

qasr-e-shahi se kahte hain niklega mehr-e-nau

ahl-e-KHirad hain is liye sarkar ki taraf

weitnam-o-Korea se adu ko nikal len

aaenge lauT kar lab-o-ruKHsar ki taraf

baqi jahan mein rah gaya 'ghaalib' ka nam hi

har-chand ek hujum tha aghyar ki taraf