kitni be-saKHta KHata hun main

kitnī be-sāḳhta ḳhatā huuñ maiñ

aap kī raġhbat-o-razā huuñ maiñ

maiñ ne jab saaz chheḌnā chāhā

ḳhāmushī chīḳh uThī sadā huuñ maiñ

hashr kī sub.h tak to jāgūñgā

raat kā āḳhirī diyā huuñ maiñ

aap ne mujh ko ḳhuub pahchānā

vāqa.ī saḳht bevafā huuñ maiñ

maiñ ne samjhā thā maiñ mohabbat huuñ

maiñ ne samjhā thā mudda.ā huuñ maiñ

kaash mujh ko koī batā.e 'adam'

kis parī-vash kī bad-duā huuñ maiñ

kitni be-saKHta KHata hun main

aap ki raghbat-o-raza hun main

main ne jab saz chheDna chaha

KHamushi chiKH uThi sada hun main

hashr ki subh tak to jagunga

raat ka aaKHiri diya hun main

aap ne mujh ko KHub pahchana

waqai saKHt bewafa hun main

main ne samjha tha main mohabbat hun

main ne samjha tha muddaa hun main

kash mujh ko koi batae 'adam'

kis pari-wash ki bad-dua hun main