kitni der aur hai ye bazm-e-tarab-nak na kah

kitnī der aur hai ye bazm-e-tarab-nāk na kah

raas aatī hai kise gardish-e-aflāk na kah

kyuuñ Thahartā nahīñ gulzār meñ koī mausam

kyā kashish rakhtī hai ḳhushbū-e-tah-e-ḳhāk na kah

dekh to rañg tamannāoñ kī betābī ke

kal fanā hai magar ai sāhab-e-idrāk na kah

dard kī aañch abad tak hai kisī ruup meñ ho

aaj ke phuul ko ā.inda ke ḳhāshāk na kah

lafz kī zarb to hai sā.iqa-o-sañg se saḳht

dil bahut narm haiñ nā-gufta-o-be-bāk na kah

ġham-gusāroñ ko bhī hai apne hī ālām se kaam

dil pe jo biitī hai ai dīda-e-namnāk na kah

shauq hī ziist bhī hai ziist kī āgāhī bhī

is masīhā-nafas-āzār ko saffāk na kah

dil-e-farhād junūñ-fahm ko nādāñ na samajh

chashm-e-parvez-e-tunuk-hosh ko chālāk na kah

ḳhud-numā.ī thī ki thā mahbas-e-pindār kā ḳhauf

qais ke jaib-o-garebāñ rahe kyuuñ chaak na kah

bujh na jaa.eñ kahīñ dil ahl-e-tamannā ke 'ziyā'

kaise sho.aloñ se hai ye jashn-e-tarab-nāk na kah

kitni der aur hai ye bazm-e-tarab-nak na kah

ras aati hai kise gardish-e-aflak na kah

kyun Thaharta nahin gulzar mein koi mausam

kya kashish rakhti hai KHushbu-e-tah-e-KHak na kah

dekh to rang tamannaon ki betabi ke

kal fana hai magar ai sahab-e-idrak na kah

dard ki aanch abad tak hai kisi rup mein ho

aaj ke phul ko aainda ke KHashak na kah

lafz ki zarb to hai saiqa-o-sang se saKHt

dil bahut narm hain na-gufta-o-be-bak na kah

gham-gusaron ko bhi hai apne hi aalam se kaam

dil pe jo biti hai ai dida-e-namnak na kah

shauq hi zist bhi hai zist ki aagahi bhi

is masiha-nafas-azar ko saffak na kah

dil-e-farhad junun-fahm ko nadan na samajh

chashm-e-parwez-e-tunuk-hosh ko chaalak na kah

KHud-numai thi ki tha mahbas-e-pindar ka KHauf

qais ke jaib-o-gareban rahe kyun chaak na kah

bujh na jaen kahin dil ahl-e-tamanna ke 'ziya'

kaise shoalon se hai ye jashn-e-tarab-nak na kah