kiya hai tu ne to jaan-e-jahan jahan tasKHir

kiyā hai tū ne to jān-e-jahāñ jahāñ tasḳhīr

huā hai husn kā shohra tirā to ālam-gīr

nahā ke baal jo sarkā.e gore chehre se

to jaise chāñd nikal aayā kaalī badrī chiir

na ḳhūb-rū tujhe kah sakte haiñ na mahr na maah

ajab gaḌhī yad-e-qudrat ne kuchh tirī tasvīr

jahāñ paḌā tirā saaya ugā vahāñ gulzār

qadam dharā hai tū jis jā banā hai mushk-o-abīr

shikār kar liyā saarā jahāñ shikār-andāz

huā hai paar nigah se tirī nigāh kā tiir

hue na zab.h na fitrāk tak ye jā pahuñche

idhar udhar haiñ taḌapte ye nīm-jāñ naḳhchīr

hai 'azfarī' vo siyah-baḳht saañp kaaTā bhī

paḌī hai zulf kī aa jis ke paañv meñ zanjīr

kiya hai tu ne to jaan-e-jahan jahan tasKHir

hua hai husn ka shohra tera to aalam-gir

naha ke baal jo sarkae gore chehre se

to jaise chand nikal aaya kali badri chir

na KHub-ru tujhe kah sakte hain na mahr na mah

ajab gaDhi yad-e-qudrat ne kuchh teri taswir

jahan paDa tera saya uga wahan gulzar

qadam dhara hai tu jis ja bana hai mushk-o-abir

shikar kar liya sara jahan shikar-andaz

hua hai par nigah se teri nigah ka tir

hue na zabh na fitrak tak ye ja pahunche

idhar udhar hain taDapte ye nim-jaan naKHchir

hai 'azfari' wo siyah-baKHt sanp kaTa bhi

paDi hai zulf ki aa jis ke panw mein zanjir