kiye tu ne dur aasman kaise kaise

kiye tū ne duur āsmāñ kaise kaise

zamīñ ko dikhā.e samāñ kaise kaise

idhar dil hai muztar udhar chashm-e-hairāñ

hamāre bhī haiñ rāzdāñ kaise kaise

uThā.e haiñ dīdār-e-lailā kī ḳhātir

shutar-ġhamza-e-sārbāñ kaise kaise

kidhar haiñ kiyānī-o-rūmī-o-muġhlī

jahāñ se uThe ḳhāndāñ kaise kaise

bas ik hasrat-ālūda tarz-e-nigah meñ

suḳhan kah ga.e be-zabāñ kaise kaise

ġhazab hai tirī nīm-bāz aañkh zālim

hazāroñ kiye nīm-jāñ kaise kaise

ajab kyā ki har zarra-e-ḳhāk-e-dil ho

mile ḳhaak meñ gulsitāñ kaise kaise

zarā jhāñk khiḌkī se zālim paḌī haiñ

tire dar pe be-ḳhānumāñ kaise kaise

hayā naaz pindār raġhb-o-taġhāful

tumhārī bhī haiñ pāsbāñ kaise kaise

kabhī ho ke paanī bahāyā na 'hasrat'

hue dil meñ jaur-e-butāñ kaise kaise

kiye tu ne dur aasman kaise kaise

zamin ko dikhae saman kaise kaise

idhar dil hai muztar udhar chashm-e-hairan

hamare bhi hain raazdan kaise kaise

uThae hain didar-e-laila ki KHatir

shutar-ghamza-e-sarban kaise kaise

kidhar hain kiyani-o-rumi-o-mughli

jahan se uThe KHandan kaise kaise

bas ek hasrat-aluda tarz-e-nigah mein

suKHan kah gae be-zaban kaise kaise

ghazab hai teri nim-baz aankh zalim

hazaron kiye nim-jaan kaise kaise

ajab kya ki har zarra-e-KHak-e-dil ho

mile KHak mein gulsitan kaise kaise

zara jhank khiDki se zalim paDi hain

tere dar pe be-KHanuman kaise kaise

haya naz pindar raghb-o-taghaful

tumhaari bhi hain pasban kaise kaise

kabhi ho ke pani bahaya na 'hasrat'

hue dil mein jaur-e-butan kaise kaise