koi bhi shaKHs na hangama-e-makan mein mila

koī bhī shaḳhs na hañgāma-e-makāñ meñ milā

har ek jalte hue ġham ke sā.ebāñ meñ milā

koī na zehn meñ sūrat na koī ḳhāka hai

vo mujh se jab bhī milā malgaje dhuāñ meñ milā

bayān karne pe aa.uuñ to lafz TūTte haiñ

vo ek aks jo bujhte hue samāñ meñ milā

vo shai ki jis ne dhuāñ dil meñ mere phailāyā

nishān us kā na kuchh duur tak dhuāñ meñ milā

safar tamām huā itnī ḳhush-ḳhirāmī se

tanāv bhī nahīñ kashtī ke bādbāñ meñ milā

zarā ye soch haqīqat banā to kyā hogā

vo shā.iba jo mujhe sarhad-e-gumāñ meñ milā

sunā hai har ghaḌī tū muskurātā rahtā hai

mujhe bhī jazb zarā kar ke jism-o-jāñ meñ milā

Thahar sakegā na har shaḳhs zad pe sochā nahīñ

vo tiir chal gayā jo vaqt kī kamāñ meñ milā

jo mujh pe match kare merā apnā kahlā.e

libās aisā na mujh ko sajī dukāñ meñ milā

koi bhi shaKHs na hangama-e-makan mein mila

har ek jalte hue gham ke saeban mein mila

koi na zehn mein surat na koi KHaka hai

wo mujh se jab bhi mila malgaje dhuan mein mila

bayan karne pe aaun to lafz TuTte hain

wo ek aks jo bujhte hue saman mein mila

wo shai ki jis ne dhuan dil mein mere phailaya

nishan us ka na kuchh dur tak dhuan mein mila

safar tamam hua itni KHush-KHirami se

tanaw bhi nahin kashti ke baadban mein mila

zara ye soch haqiqat bana to kya hoga

wo shaiba jo mujhe sarhad-e-guman mein mila

suna hai har ghaDi tu muskuraata rahta hai

mujhe bhi jazb zara kar ke jism-o-jaan mein mila

Thahar sakega na har shaKHs zad pe socha nahin

wo tir chal gaya jo waqt ki kaman mein mila

jo mujh pe match kare mera apna kahlae

libas aisa na mujh ko saji dukan mein mila