koi dua na koi chaaragar sambhaalega

koī duā na koī chāragar sambhālegā

ki ab ye zaḳhm hī merā jigar sambhālegā

vo aks jis se nahīñ koī aa.ina mahfūz

darūn-e-āb vahī chashm-e-tar sambhālegā

jo barqarār ba-nau-e-digar hai TuuT ke bhī

vo silsila hī hameñ umr bhar sambhālegā

vo jis kī raah meñ gumrāh ho gayā huuñ maiñ

vahī ḳhudā mirā samt-e-safar sambhālegā

ḳhirad ba-nām-e-junūñ qad kī āzmā.ish meñ

farāz-e-dār-o-rasan merā sar sambhālegā

koi dua na koi chaaragar sambhaalega

ki ab ye zaKHm hi mera jigar sambhaalega

wo aks jis se nahin koi aaina mahfuz

darun-e-ab wahi chashm-e-tar sambhaalega

jo barqarar ba-nau-e-digar hai TuT ke bhi

wo silsila hi hamein umr bhar sambhaalega

wo jis ki rah mein gumrah ho gaya hun main

wahi KHuda mera samt-e-safar sambhaalega

KHirad ba-nam-e-junun qad ki aazmaish mein

faraaz-e-dar-o-rasan mera sar sambhaalega