koi eajaz hai shayad

koī e.ajāz hai shāyad

mirā e.azāz hai shāyad

jo mutrib chheḌ detā hai

vo dil kā saaz hai shāyad

mire apne muḳhālif haiñ

havā nā-sāz hai shāyad

gale yuuñ ḳhvāb meñ milnā

tirā andāz hai shāyad

yahāñ jo jhuuT kahtā hai

vahī mumtāz hai shāyad

vo jis meñ dam aTaktā hai

vahī dam-sāz hai shāyad

chamaktī dhuup hai to hai

nayā āġhāz hai shāyad

vahī hamrāz hai merā

jo merā raaz hai shāyad

maiñ us kā maan huuñ 'tashna'

vo merā naaz hai shāyad

koi eajaz hai shayad

mera eazaz hai shayad

jo mutrib chheD deta hai

wo dil ka saz hai shayad

mere apne muKHalif hain

hawa na-saz hai shayad

gale yun KHwab mein milna

tera andaz hai shayad

yahan jo jhuT kahta hai

wahi mumtaz hai shayad

wo jis mein dam aTakta hai

wahi dam-saz hai shayad

chamakti dhup hai to hai

naya aaghaz hai shayad

wahi hamraaz hai mera

jo mera raaz hai shayad

main us ka man hun 'tashna'

wo mera naz hai shayad