koi fariyaad mujhe toD ke san se nikli

koī fariyād mujhe toḌ ke san se niklī

yuuñ lagā jaise mirī ruuh badan se niklī

ādatan maiñ kisī ehsās ke pīchhe lapkā

daf.atan ek ġhazal dasht-e-suḳhan se niklī

rang kis kā thā jo dastak se numūdār huā

kis kī ḳhushbū thī jo kamre kī ghuTan se niklī

kis kā chehra thā jo sadiyoñ ke bhañvar se ubhrā

kaisī vahshat thī jo barsoñ kī thakan se niklī

ek saa.e ke ta.āqub meñ koī parchhā.īñ

pyaas oḌhe hue sahrā-e-badan se niklī

kuchh to aisā thā ki buniyād se hijrat kar lī

ḳhaak yūñhī to nahīñ apne vatan se niklī

raakh jamne lagī jab raat kī āñkhoñ meñ 'nabīl'

niiñd āhista se bistar kī shikan se niklī

koi fariyaad mujhe toD ke san se nikli

yun laga jaise meri ruh badan se nikli

aadatan main kisi ehsas ke pichhe lapka

dafatan ek ghazal dasht-e-suKHan se nikli

rang kis ka tha jo dastak se numudar hua

kis ki KHushbu thi jo kamre ki ghuTan se nikli

kis ka chehra tha jo sadiyon ke bhanwar se ubhra

kaisi wahshat thi jo barson ki thakan se nikli

ek sae ke taaqub mein koi parchhain

pyas oDhe hue sahra-e-badan se nikli

kuchh to aisa tha ki buniyaad se hijrat kar li

KHak yunhi to nahin apne watan se nikli

rakh jamne lagi jab raat ki aankhon mein 'nabil'

nind aahista se bistar ki shikan se nikli