koi gham na tha magar ai pari-zad roe hum

koī ġham na thā magar ai parī-zād ro.e ham

ik rasm-bhar nibhā.ī tire baad ro.e ham

ye sach bhī Thiik hai pe tasavvur kamāl thā

so vasl meñ bhī hijr kiyā yaad ro.e ham

ham ko muḳhālifat kī lagī lat kuchh is qadar

jab bhī kahā kisī ne raho shaad ro.e ham

ham ko hunar milā to numā.ish bhī ham ne kī

aate hī is zamīñ pe ḳhudā-zād ro.e ham

kār-e-savāb diin meñ lāzim thā ham pe so

kar dī sitamgarān kī imdād ro.e ham

itnī udaas raat thī lālach meñ paḌ ga.e

bandhan hayā ke toḌ ke āzād ro.e ham

koi gham na tha magar ai pari-zad roe hum

ek rasm-bhar nibhai tere baad roe hum

ye sach bhi Thik hai pe tasawwur kamal tha

so wasl mein bhi hijr kiya yaad roe hum

hum ko muKHalifat ki lagi lat kuchh is qadar

jab bhi kaha kisi ne raho shad roe hum

hum ko hunar mila to numaish bhi hum ne ki

aate hi is zamin pe KHuda-zad roe hum

kar-e-sawab din mein lazim tha hum pe so

kar di sitamgaran ki imdad roe hum

itni udas raat thi lalach mein paD gae

bandhan haya ke toD ke aazad roe hum