koi ho sakta bhi tha hamil nawa-e-raaz ka

koī ho saktā bhī thā hāmil navā-e-rāz kā

āḳhir ik ik taar TuuTā zindagī ke saaz kā

muntazir hai ik jahāñ husn-e-karishma-sāz kā

ab uThā bhī dījiye parda harīm-e-nāz kā

zikr mujh se kyoñ hai sūr-e-hashr kī āvāz kā

ye to ik bigḌā huā naġhma hai mere saaz kā

uf re ye husn-e-tamāshā dost kā shauq-e-numūd

kar diyā kun kah ke parda faash harf-e-rāz kā

dil hī dil meñ ro ke misl-e-sham.a ham chup rah ga.e

kyā asar mahfil pe hotā sāz-e-be-āvāz kā

ho agar sachchī taḌap miTTī meñ bhī paḌtī hai jaañ

dil hai kyoñ tālib masīh-o-ḳhizr ke e.ajāz kā

sub.h hote hote āḳhir vo bhī uThvā.ī ga.ī

rāzdāñ juz sham.a thā kaun us harīm-e-nāz kā

rakh lī un nau-ḳhez kaliyoñ hī ne kuchh jalvoñ kī sharm

varna kyā hashr is chaman meñ ho tumhāre raaz kā

va.ada-e-jannat kā 'muslim' kis liye khā.eñ fareb

hai nigāhoñ meñ tasavvur ik bahār-e-nāz kā

koi ho sakta bhi tha hamil nawa-e-raaz ka

aaKHir ek ek tar TuTa zindagi ke saz ka

muntazir hai ek jahan husn-e-karishma-saz ka

ab uTha bhi dijiye parda harim-e-naz ka

zikr mujh se kyon hai sur-e-hashr ki aawaz ka

ye to ek bigDa hua naghma hai mere saz ka

uf re ye husn-e-tamasha dost ka shauq-e-numud

kar diya kun kah ke parda fash harf-e-raaz ka

dil hi dil mein ro ke misl-e-shama hum chup rah gae

kya asar mahfil pe hota saz-e-be-awaz ka

ho agar sachchi taDap miTTi mein bhi paDti hai jaan

dil hai kyon talib masih-o-KHizr ke eajaz ka

subh hote hote aaKHir wo bhi uThwai gai

raazdan juz shama tha kaun us harim-e-naz ka

rakh li un nau-KHez kaliyon hi ne kuchh jalwon ki sharm

warna kya hashr is chaman mein ho tumhaare raaz ka

wada-e-jannat ka 'muslim' kis liye khaen fareb

hai nigahon mein tasawwur ek bahaar-e-naz ka