koi in tang-dahanon se mohabbat na kare

koī in tañg-dahānoñ se mohabbat na kare

aur jo ye tañg kareñ muñh se shikāyat na kare

ishq ke daaġh ko dil mohr-e-nabuvvat samjhā

Dar hai kāfir kahīñ dāvā-e-nabūvat na kare

hai jarāhat kā mirī sauda-e-almās ilaaj

fā.eda us ko kabhī sañg-e-jarāhat na kare

har qadam par mire ashkoñ se ravāñ hai dariyā

kyā kare jaada agar tark-e-rifāqat na kare

aaj tak ḳhuuñ se mire tar hai zabān-e-ḳhanjar

kyā kare jab ki talab koī shahādat na kare

hai ye insāñ baḌe ustād kā shāgird-e-rashīd

kar sake kaun agar ye bhī ḳhilāfat na kare

bin jale sham.a ke parvāna nahīñ jal saktā

kyā baḌhe ishq agar husn hī sabqat na kare

phir chalā maqtal-e-ushshāq kī jānib qātil

sar pe barpā kahīñ kushtoñ ke qayāmat na kare

koi in tang-dahanon se mohabbat na kare

aur jo ye tang karen munh se shikayat na kare

ishq ke dagh ko dil mohr-e-nabuwwat samjha

Dar hai kafir kahin dawa-e-nabuwat na kare

hai jarahat ka meri sauda-e-almas ilaj

faeda us ko kabhi sang-e-jarahat na kare

har qadam par mere ashkon se rawan hai dariya

kya kare jada agar tark-e-rifaqat na kare

aaj tak KHun se mere tar hai zaban-e-KHanjar

kya kare jab ki talab koi shahadat na kare

hai ye insan baDe ustad ka shagird-e-rashid

kar sake kaun agar ye bhi KHilafat na kare

bin jale shama ke parwana nahin jal sakta

kya baDhe ishq agar husn hi sabqat na kare

phir chala maqtal-e-ushshaq ki jaanib qatil

sar pe barpa kahin kushton ke qayamat na kare