koi jab mil ke muskuraya tha

koī jab mil ke muskurāyā thā

aks-e-gul kā jabīñ pe saayā thā

zaḳhm-e-dil kī jalan bhī kam thī bahut

giit aisā sabā ne gaayā thā

shab khulī thī bahār kī sūrat

din sitāroñ sā jagmagāyā thā

aise sargoshiyāñ thiiñ kānoñ meñ

koī amrit kā jaam laayā thā

ḳhvāb koñpal bhī thī tar-o-tāza

aarzū ne bhī sar uThāyā thā

jis ne mas.hūr kar diyā thā 'farah'

ek jaadū sā ek chhāyā thā

koi jab mil ke muskuraya tha

aks-e-gul ka jabin pe saya tha

zaKHm-e-dil ki jalan bhi kam thi bahut

git aisa saba ne gaya tha

shab khuli thi bahaar ki surat

din sitaron sa jagmagaya tha

aise sargoshiyan thin kanon mein

koi amrit ka jam laya tha

KHwab konpal bhi thi tar-o-taza

aarzu ne bhi sar uThaya tha

jis ne mashur kar diya tha 'farah'

ek jadu sa ek chhaya tha