koi lamha zindagi ka be-maza hota nahin

koī lamha zindagī kā be-mazā hotā nahīñ

terī yādoñ se agar ye dil judā hotā nahīñ

manzil-e-maqsūd se dil āshnā hotā nahīñ

kam tumhāre rāste kā silsila hotā nahīñ

apnī manzil kā jise ḳhud hī patā hotā nahīñ

rāh-rau hotā hai lekin rahnumā hotā nahīñ

aap ehsāñ mat jatā.eñ hajj-o-'umra bhej kar

zindagī de kar bhī maañ kā haq adā hotā nahīñ

aag nafrat kī zabāñ par le ke chaltā hai vahī

amn se jis shaḳhs ko kuchh vāsta hotā nahīñ

pyaar jis kī zindagī hai āshtī paiġhām hai

ye sabaq aisā hai jo mujh se judā hotā nahīñ

ḳhūn-e-dil ḳhūn-e-jigar ke saath hai urdu zabāñ

phir to ai 'rahbar' tirā dil be-sadā hotā nahīñ

koi lamha zindagi ka be-maza hota nahin

teri yaadon se agar ye dil juda hota nahin

manzil-e-maqsud se dil aashna hota nahin

kam tumhaare raste ka silsila hota nahin

apni manzil ka jise KHud hi pata hota nahin

rah-rau hota hai lekin rahnuma hota nahin

aap ehsan mat jataen hajj-o-'umra bhej kar

zindagi de kar bhi man ka haq ada hota nahin

aag nafrat ki zaban par le ke chalta hai wahi

amn se jis shaKHs ko kuchh wasta hota nahin

pyar jis ki zindagi hai aashti paigham hai

ye sabaq aisa hai jo mujh se juda hota nahin

KHun-e-dil KHun-e-jigar ke sath hai urdu zaban

phir to ai 'rahbar' tera dil be-sada hota nahin