koi mahmil-nashin kyun shad ya nashad hota hai

Asghar Gondvi

koi mahmil-nashin kyun shad ya nashad hota hai

Asghar Gondvi

MORE BY Asghar Gondvi

    koī mahmil-nashīñ kyuuñ shaad nāshād hotā hai

    ġhubār-e-qais ḳhud uThtā hai ḳhud barbād hotā hai

    qafas kyā halqa-hā-e-dām kyā ranj-e-asīrī kyā

    chaman par miT gayā jo har tarah āzād hotā hai

    ye sab na-āshnā-e-lazzat-e-parvāz haiñ shāyad

    asīroñ meñ abhī tak shikva-e-sayyād hotā hai

    bahār-e-sabza-o-gul hai karam hotā hai saaqī

    javāñ hotī hai duniyā mai-kada ābād hotā hai

    banā letā hai mauj-e-ḳhūn-e-dil se ik chaman apnā

    vo pāband-e-qafas jo fitratan āzād hotā hai

    bahār anjām samjhūñ is chaman ḳhizāñ samjhūñ

    zabān-e-barg-e-gul se mujh ko kyā irshād hotā hai

    azal meñ ik tajallī se huī thī be-ḳhudī taarī

    tumhīñ ko maiñ ne dekhā thā kuchh aisā yaad hotā hai

    samā.e rahe haiñ ab vo jalve diida o dil meñ

    ye nazzāra hai zauq-e-nazar barbād hotā hai

    zamāna hai ki ḳhūgar ho rahā hai shor o shevan

    yahāñ vo dard jo be-nāla-o-fariyād hotā hai

    yahāñ kotāhi-e-zauq-e-amal hai ḳhud giraftārī

    jahāñ baazū simaTte haiñ vahīñ sayyād hotā hai

    yahāñ mastoñ ke sar ilzām-e-hastī nahīñ 'asġhar'

    phir is ke baad har ilzām be-buniyād hotā hai

    koi mahmil-nashin kyun shad ya nashad hota hai

    ghubar-e-qais KHud uThta hai KHud barbaad hota hai

    qafas kya halqa-ha-e-dam kya ranj-e-asiri kya

    chaman par miT gaya jo har tarah aazad hota hai

    ye sab na-ashna-e-lazzat-e-parwaz hain shayad

    asiron mein abhi tak shikwa-e-sayyaad hota hai

    bahaar-e-sabza-o-gul hai karam hota hai saqi ka

    jawan hoti hai duniya mai-kada aabaad hota hai

    bana leta hai mauj-e-KHun-e-dil se ek chaman apna

    wo paband-e-qafas jo fitratan aazad hota hai

    bahaar anjam samjhun is chaman ka ya KHizan samjhun

    zaban-e-barg-e-gul se mujh ko kya irshad hota hai

    azal mein ek tajalli se hui thi be-KHudi tari

    tumhin ko main ne dekha tha kuchh aisa yaad hota hai

    samae ja rahe hain ab wo jalwe dida o dil mein

    ye nazzara hai ya zauq-e-nazar barbaad hota hai

    zamana hai ki KHugar ho raha hai shor o shewan ka

    yahan wo dard jo be-nala-o-fariyaad hota hai

    yahan kotahi-e-zauq-e-amal hai KHud giraftari

    jahan bazu simaTte hain wahin sayyaad hota hai

    yahan maston ke sar ilzam-e-hasti hi nahin 'asghar'

    phir is ke baad har ilzam be-buniyaad hota hai

    RECITATIONS

    Nomaan Shauque

    Nomaan Shauque

    Nomaan Shauque

    koi mahmil-nashin kyun shad ya nashad hota hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites