koi mansab koi dastar nahin chahiye hai
koī mansab koī dastār nahīñ chāhiye hai
shāhzādī mujhe darbār nahīñ chāhiye hai
āḳhirī ashk se is sog kī takmīl huī
ab mujhe koī azā-dār nahīñ chāhiye hai
is takalluf se ziyāda kā talabgār huuñ maiñ
sirf ye sāya-e-dīvār nahīñ chāhiye hai
ab muqābil mire apne haiñ sau ai rabb-e-jalīl
hausla chāhiye talvār nahīñ chāhiye hai
chāhiye hai mujhe inkār-e-mohabbat mire dost
lekin is meñ tirā inkār nahīñ chāhiye hai
āḳhir a.azā ne mire saath baġhāvat kar dī
ab qabīle ko ye sardār nahīñ chāhiye hai
koi mansab koi dastar nahin chahiye hai
shahzadi mujhe darbar nahin chahiye hai
aaKHiri ashk se is sog ki takmil hui
ab mujhe koi aza-dar nahin chahiye hai
is takalluf se ziyaada ka talabgar hun main
sirf ye saya-e-diwar nahin chahiye hai
ab muqabil mere apne hain sau ai rabb-e-jalil
hausla chahiye talwar nahin chahiye hai
chahiye hai mujhe inkar-e-mohabbat mere dost
lekin is mein tera inkar nahin chahiye hai
aaKHir aaza ne mere sath baghawat kar di
ab qabile ko ye sardar nahin chahiye hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
