koi milta nahin KHuda ki tarah
koī miltā nahīñ ḳhudā kī tarah
phirtā rahtā huuñ maiñ duā kī tarah
ġham ta.āqub meñ haiñ sazā kī tarah
tū chhupā le mujhe ḳhatā kī tarah
hai marīzoñ meñ tazkira merā
āzmā.ī huī davā kī tarah
ho rahīñ haiñ shahādateñ mujh meñ
aur maiñ chup huuñ karbalā kī tarah
jis kī ḳhātir charāġh bantā huuñ
ghūrtā hai vahī havā kī tarah
vaqt ke gumbadoñ meñ rahtā huuñ
ek gūñjī huī sadā kī tarah
koi milta nahin KHuda ki tarah
phirta rahta hun main dua ki tarah
gham taaqub mein hain saza ki tarah
tu chhupa le mujhe KHata ki tarah
hai marizon mein tazkira mera
aazmai hui dawa ki tarah
ho rahin hain shahadaten mujh mein
aur main chup hun karbala ki tarah
jis ki KHatir charagh banta hun
ghurta hai wahi hawa ki tarah
waqt ke gumbadon mein rahta hun
ek gunji hui sada ki tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
