koi mohlik si bimari hui hai

koī mohlik sī bīmārī huī hai

mohabbat aañkh se jaarī huī hai

terī riqqat kī shiddat se hai zāhir

ye mere naam par taarī huī hai

sazā hai ye ma.āshī hijratoñ kī

bahut masrūf bekārī huī hai

kabhī qismat ko bechārī na kahnā

ki ye taqdīr kī maarī huī hai

zabāñ chaltī nahīñ hai is tarah se

ye aarī kaaT se aarī huī hai

vo aise ḳhvāb the sote hue bhī

mirī fard-e-amal bhārī huī hai

yaqīñ ḳhud uTh gayā hai mujh se merā

mirī itnī taraf-dārī huī hai

mujhe jab bolnā aayā hai 'aḳhtar'

tabhī lafzoñ kī dildārī huī hai

koi mohlik si bimari hui hai

mohabbat aankh se jari hui hai

teri riqqat ki shiddat se hai zahir

ye mere nam par tari hui hai

saza hai ye maashi hijraton ki

bahut masruf bekari hui hai

kabhi qismat ko bechaari na kahna

ki ye taqdir ki mari hui hai

zaban chalti nahin hai is tarah se

ye aari kaT se aari hui hai

wo aise KHwab the sote hue bhi

meri fard-e-amal bhaari hui hai

yaqin KHud uTh gaya hai mujh se mera

meri itni taraf-dari hui hai

mujhe jab bolna aaya hai 'aKHtar'

tabhi lafzon ki dildari hui hai