koi mujhse juda hua hai abhi

koī mujh se judā huā hai abhī

zindagī ek sānehā hai abhī

nahīñ mauqa ye pursish-e-ġham kā

dekhiye dil dukhā huā hai abhī

kal guzar jaa.e dil pe kyā ma.alūm

ishq saada sā vāqi.a hai abhī

baat pahuñchī hai ik nazar meñ kahāñ

ham to samjhe the ibtidā hai abhī

kitne nazdīk aa ga.e haiñ vo

kis qadar un se fāsla hai abhī

saarī bāteñ ye ḳhvāb kī sī haiñ

zindagī duur kī sadā hai abhī

daar par khīñchte haiñ 'aḳhtar' ko

jurm ye hai ki jī rahā hai abhī

koi mujh se juda hua hai abhi

zindagi ek saneha hai abhi

nahin mauqa ye pursish-e-gham ka

dekhiye dil dukha hua hai abhi

kal guzar jae dil pe kya malum

ishq sada sa waqia hai abhi

baat pahunchi hai ek nazar mein kahan

hum to samjhe the ibtida hai abhi

kitne nazdik aa gae hain wo

kis qadar un se fasla hai abhi

sari baaten ye KHwab ki si hain

zindagi dur ki sada hai abhi

dar par khinchte hain 'aKHtar' ko

jurm ye hai ki ji raha hai abhi