koi rahzan na musafir na shajar ki surat

koī rahzan na musāfir na shajar kī sūrat

dekh is ujḌī huī rāhguzar kī sūrat

jaane kab ḳhāna-badoshī ke ye din guzreñge

muddateñ ho ga.iiñ dekhe hue ghar kī sūrat

pahle dukh thā ki sar-e-rāhguzar baiThe haiñ

ab koī rañj nahīñ ranj-e-safar kī sūrat

apne hī aks se fursat nahīñ miltī varna

aa.ine meñ hai kahīñ ā.ina-gar kī sūrat

itne pāyāb nahīñ hai ki har ik ko mil jaa.eñ

ham to rahte haiñ samundar meñ guhar kī sūrat

aaj āñkhoñ meñ namī hai to ġhanīmat jaano

qaht-e-girya meñ kahāñ dīda-e-tar kī sūrat

beach raste meñ hameñ chhoḌ ke jaane vaale

saath hoñ leñge tire gard-e-safar kī sūrat

chashm-e-ibrat se 'farāsat' meñ use dekhtā huuñ

kal ye vīrāna thā ābād nagar kī sūrat

koi rahzan na musafir na shajar ki surat

dekh is ujDi hui rahguzar ki surat

jaane kab KHana-badoshi ke ye din guzrenge

muddaten ho gain dekhe hue ghar ki surat

pahle dukh tha ki sar-e-rahguzar baiThe hain

ab koi ranj nahin ranj-e-safar ki surat

apne hi aks se fursat nahin milti warna

aaine mein hai kahin aaina-gar ki surat

itne payab nahin hai ki har ek ko mil jaen

hum to rahte hain samundar mein guhar ki surat

aaj aankhon mein nami hai to ghanimat jaano

qaht-e-girya mein kahan dida-e-tar ki surat

beach raste mein hamein chhoD ke jaane wale

sath hon lenge tere gard-e-safar ki surat

chashm-e-ibrat se 'farasat' mein use dekhta hun

kal ye virana tha aabaad nagar ki surat