koi riste hue zaKHmon ki dawa ban jae

koī riste hue zaḳhmoñ kī davā ban jaa.e

koī bīmār-e-mohabbat kā ḳhudā ban jaa.e

koī be-sūd umīdoñ kā sahārā hove

koī bahte hue ashkoñ kī ridā ban jaa.e

koī pahuñche mirī taskīn kā sāmāñ ban kar

koī taḌpī huī aahoñ kī sadā ban jaa.e

koī hamdard uThe mūnis-o-ġham-ḳhvār bane

mere haq meñ koī phir dast-e-duā ban jaa.e

koī ubhre mire hoñToñ pe siyāhī ban kar

āḳhrī hichkī bane vaj.h-e-qazā ban jaa.e

koī darmāñda javānī ko bhī pahnā.e kafan

ro.e chillā.e ki pur-shor fazā ban jaa.e

ham ko le jaa.e mazāroñ ke nagar koī 'rafīq'

koī be-dast janāze kā asā ban jaa.e

koi riste hue zaKHmon ki dawa ban jae

koi bimar-e-mohabbat ka KHuda ban jae

koi be-sud umidon ka sahaara howe

koi bahte hue ashkon ki rida ban jae

koi pahunche meri taskin ka saman ban kar

koi taDpi hui aahon ki sada ban jae

koi hamdard uThe munis-o-gham-KHwar bane

mere haq mein koi phir dast-e-dua ban jae

koi ubhre mere honTon pe siyahi ban kar

aaKHri hichki bane wajh-e-qaza ban jae

koi darmanda jawani ko bhi pahnae kafan

roe chillae ki pur-shor faza ban jae

hum ko le jae mazaron ke nagar koi 'rafiq'

koi be-dast janaze ka asa ban jae