koi shafqat bhari sarkar nahin hai ghar mein
koi shafqat bhari sarkar nahin hai ghar mein
Shahnaz Parveen Sahar
MORE BYShahnaz Parveen Sahar
koī shafqat bharī sarkār nahīñ hai ghar meñ
jab se baabā kī vo dastār nahīñ hai ghar meñ
umr kī baḌhtī thakan saañs kī bīmār ghuTan
ek kamra bhī havā-dār nahīñ hai ghar meñ
dukh sunā.eñ kabhī ghabrā.eñ to sar Takrā.eñ
is tarah kī koī dīvār nahīñ hai ghar meñ
kabhī āvāz meñ marham kabhī māthe pe shikan
maiñ samajhtī thī adākār nahīñ hai ghar meñ
moh letā hai vo guftār se duniyā bhar ko
baat karne kā ravādār nahīñ hai ghar meñ
jaan le lete haiñ kuchh sard ravayye aksar
ham samajhte haiñ ki talvār nahīñ hai ghar meñ
vo ayādat ke bahāne se agar aa bhī gayā
us se kah denā ki bīmār nahīñ hai ghar meñ
kaun hai jo tumheñ jaate hue rokegā 'sahar'
kuchh rukāvaT koī inkār nahīñ hai ghar meñ
koi shafqat bhari sarkar nahin hai ghar mein
jab se baba ki wo dastar nahin hai ghar mein
umr ki baDhti thakan sans ki bimar ghuTan
ek kamra bhi hawa-dar nahin hai ghar mein
dukh sunaen kabhi ghabraen to sar Takraen
is tarah ki koi diwar nahin hai ghar mein
kabhi aawaz mein marham kabhi mathe pe shikan
main samajhti thi adakar nahin hai ghar mein
moh leta hai wo guftar se duniya bhar ko
baat karne ka rawadar nahin hai ghar mein
jaan le lete hain kuchh sard rawayye aksar
hum samajhte hain ki talwar nahin hai ghar mein
wo ayaadat ke bahane se agar aa bhi gaya
us se kah dena ki bimar nahin hai ghar mein
kaun hai jo tumhein jate hue rokega 'sahar'
kuchh rukawaT koi inkar nahin hai ghar mein
- Book : Word File Mail By Salim Saleem
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
