koi to zehan ke dar par zarur dastak de
koī to zehan ke dar par zarūr dastak de
agar shu.ūr na de lā-shu.ūr dastak de
tulū-e-sub.h kā manzar ajiib hotā hai
jab āsmāñ se sadā-e-tuyūr dastak de
is intizār meñ hai merā qasr-e-be-ḳhvābī
ki koī nīñd-parī koī huur dastak de
fasīl-e-shahr-e-tamannā kī tīrgī bhī chhaTe
kabhī to us pe koī sub.h-e-nūr dastak de
phir ek baar azāb-e-shikastagī se guzar
phir us ke dar pe dil-e-nā-subūr dastak de
anā ke ḳhol se nikleñ to yuuñ bhī mumkin hai
dar-e-faqīr pe dast-e-ġhurūr dastak de
ham aur nuur kī ḳhairāt māñgne jaa.eñ
hamāre dar pe to ḳhud koh-e-tūr dastak de
mujhe ġhayāb kā aalam ziyāda raas aayā
magar kabhī kabhī shauq-e-zuhūr dastak de
hudūd-e-vaqt ke darvāze muntazir haiñ 'nasīm'
ki tū ye fāsle kar ke ubuur dastak de
koi to zehan ke dar par zarur dastak de
agar shuur na de la-shuur dastak de
tulu-e-subh ka manzar ajib hota hai
jab aasman se sada-e-tuyur dastak de
is intizar mein hai mera qasr-e-be-KHwabi
ki koi nind-pari koi hur dastak de
fasil-e-shahr-e-tamanna ki tirgi bhi chhaTe
kabhi to us pe koi subh-e-nur dastak de
phir ek bar azab-e-shikastagi se guzar
phir us ke dar pe dil-e-na-subur dastak de
ana ke KHol se niklen to yun bhi mumkin hai
dar-e-faqir pe dast-e-ghurur dastak de
hum aur nur ki KHairaat mangne jaen
hamare dar pe to KHud koh-e-tur dastak de
mujhe ghayab ka aalam ziyaada ras aaya
magar kabhi kabhi shauq-e-zuhur dastak de
hudud-e-waqt ke darwaze muntazir hain 'nasim'
ki tu ye fasle kar ke ubur dastak de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
