koi tum jaisa tha aisa hi koi chehra tha

koī tum jaisā thā aisā hī koī chehrā thā

yaad aatā hai ki ik ḳhvāb kabhī dekhā thā

raat jab der talak chāñd nahīñ niklā thā

merī hī tarah se saaya bhī mirā tanhā thā

jaane kyā soch ke tum ne mirā dil pher diyā

mere pyāre isī miTTī meñ mirā sonā thā

vo bhī kam-baḳht zamāne kī havā le ke ga.ī

merī āñkhoñ meñ mirī mai kā jo ik qatra thā

tū na jaagā magar ai dil tire darvāze par

aisā lagtā hai koī pichhle pahar aayā thā

terī dīvār kā saaya na ḳhafā ho mujh se

raah chalte yūñhī kuchh der ko aa baiThā thā

ai shab-e-ġham mujhe ḳhvāboñ meñ sahī dikhlā de

merā sūraj tirī vaadī meñ kahīñ Duubā thā

ik mirī aañkh hī shabnam se sharābor rahī

sub.h ko varna har ik phuul kā muñh sūkhā thā

tum zarā thaam lo aa kar kabhī paimāna-e-jāñ

dekho dekho mire hāthoñ se abhī chhūTā thā

koi tum jaisa tha aisa hi koi chehra tha

yaad aata hai ki ek KHwab kabhi dekha tha

raat jab der talak chand nahin nikla tha

meri hi tarah se saya bhi mera tanha tha

jaane kya soch ke tum ne mera dil pher diya

mere pyare isi miTTi mein mera sona tha

wo bhi kam-baKHt zamane ki hawa le ke gai

meri aankhon mein meri mai ka jo ek qatra tha

tu na jaga magar ai dil tere darwaze par

aisa lagta hai koi pichhle pahar aaya tha

teri diwar ka saya na KHafa ho mujh se

rah chalte yunhi kuchh der ko aa baiTha tha

ai shab-e-gham mujhe KHwabon mein sahi dikhla de

mera suraj teri wadi mein kahin Duba tha

ek meri aankh hi shabnam se sharabor rahi

subh ko warna har ek phul ka munh sukha tha

tum zara tham lo aa kar kabhi paimana-e-jaan

dekho dekho mere hathon se abhi chhuTa tha