koshish bhi ki to dil se na usko bhala sake

koshish bhī kī to dil se na us ko bhalā sake

aur is meñ raaz kyā hai abhī tak na pā sake

merī suno ki chaah nahīñ be-diloñ kā kaam

vo jaa.e us galī meñ jo ḳhuuñ meñ nahā sake

qaid-e-qafas meñ tāqat-e-parvāz miT ga.ī

chhuT to ga.e pe sū-e-nasheman na jā sake

aahoñ se kuchh huā na taḌapne se kuchh banā

aañsū bhī dil kī aag na ab tak bujhā sake

guzre bhī paas se to hayā se simaT ga.e

sarkā sake naqāb na āñchal haTā sake

ḳhud ibtidā-e-ishq bhī kī bhuul bhī ga.e

ham bhuul kar bhī un ko na dil se bhulā sake

kyā aap se kaheñ dil-e-muztar kā apne haal

us kī to chārāgar na kabhī taab lā sake

ḳhuddāriyāñ bhī ishq meñ zanjīr-e-pā thiiñ 'soz'

us āstāñ pe ham na jabīñ ko jhukā sake

koshish bhi ki to dil se na us ko bhala sake

aur is mein raaz kya hai abhi tak na pa sake

meri suno ki chah nahin be-dilon ka kaam

wo jae us gali mein jo KHun mein naha sake

qaid-e-qafas mein taqat-e-parwaz miT gai

chhuT to gae pe su-e-nasheman na ja sake

aahon se kuchh hua na taDapne se kuchh bana

aansu bhi dil ki aag na ab tak bujha sake

guzre bhi pas se to haya se simaT gae

sarka sake naqab na aanchal haTa sake

KHud ibtida-e-ishq bhi ki bhul bhi gae

hum bhul kar bhi un ko na dil se bhula sake

kya aap se kahen dil-e-muztar ka apne haal

us ki to chaaragar na kabhi tab la sake

KHuddariyan bhi ishq mein zanjir-e-pa thin 'soz'

us aastan pe hum na jabin ko jhuka sake