koshish karti rahti hai samjhati hai

koshish kartī rahtī hai samjhātī hai

ḳhushbū kī bhāshā ham ko kab aatī hai

ghol ke sāñsoñ meñ mad.hoshī kī haala

dhīre se dil par dastak de jaatī hai

us aurat kī ḳhuddārī bhī dekheñ to

apnā haq bhī māñgne meñ sharmātī hai

duniyā se jab aage chalnā siikh liyā

duniyā mere pīchhe pīchhe aatī hai

pitā to keval ādeshoñ meñ jiitā hai

lekin maañ sab kuchh karke dikhlātī hai

ḳhushiyoñ se to pichhle dinoñ se naatā hai

māyūsī merī janmoñ kī sāthī hai

mummy dhyān se bāhar aayā jaayā karo

merī beTī ye mujh ko samjhātī hai

belā champā juuhī aur chamelī sī

beTī ḳhushbū se ghar ko mahkātī hai

jis ke ghar meñ ḳhushiyoñ kī jhankāreñ ho

'anjanā' us ko niiñd kahāñ phir aatī hai

koshish karti rahti hai samjhati hai

KHushbu ki bhasha hum ko kab aati hai

ghol ke sanson mein madhoshi ki haala

dhire se dil par dastak de jati hai

us aurat ki KHuddari bhi dekhen to

apna haq bhi mangne mein sharmati hai

duniya se jab aage chalna sikh liya

duniya mere pichhe pichhe aati hai

pita to kewal aadeshon mein jita hai

lekin man sab kuchh karke dikhlati hai

KHushiyon se to pichhle dinon se nata hai

mayusi meri janmon ki sathi hai

mummy dhyan se bahar aaya jaya karo

meri beTi ye mujh ko samjhati hai

bela champa juhi aur chameli si

beTi KHushbu se ghar ko mahkati hai

jis ke ghar mein KHushiyon ki jhankaren ho

'anjana' us ko nind kahan phir aati hai