koshish musalahat ki to lail-o-nahaar ki

koshish musālahat kī to lail-o-nahār kī

har lamha kaifiyat hai magar intishār kī

gujrāt dil hai gar mirā kashmīr hai qalam

likhtā huuñ dāstān badan ke chinār kī

aql-o-ḳhirad hamāre na kuchh kaam aa sake

josh-e-junūñ ne aabrū rakh lī hai daar kī

sab marhale tamām hue jiit ke magar

be-mehrī-e-rafīq huī vajah haar kī

sāñsoñ pe iḳhtiyār na duniyā kā e.atibār

fitrat yahī hai ālam-e-nā-pā.edār kī

palkeñ bichhā.ūñ rāhoñ meñ ye ājizī nahīñ

mīzān ye nahīñ hai 'qalaq' inkisār kī

koshish musalahat ki to lail-o-nahaar ki

har lamha kaifiyat hai magar intishaar ki

gujraat dil hai gar mera kashmir hai qalam

likhta hun dastan badan ke chinar ki

aql-o-KHirad hamare na kuchh kaam aa sake

josh-e-junun ne aabru rakh li hai dar ki

sab marhale tamam hue jit ke magar

be-mehri-e-rafiq hui wajah haar ki

sanson pe iKHtiyar na duniya ka eatibar

fitrat yahi hai aalam-e-na-paedar ki

palken bichhaun rahon mein ye aajizi nahin

mizan ye nahin hai 'qalaq' inkisar ki