koThe ujaD khiDkiyan chup raste udas

koThe ujaaḌ khiḌkiyāñ chup rāste udaas

jaate hī un ke kuchh na rahā zindagī ke paas

do pal baras ke abr ne dariyā kā ruḳh kiyā

taptī zamīñ se pahroñ nikaltī rahī bhaḌās

miTTī kī sauñdh jaate hue saath le uḌī

Daalī kā loch paat kī sabzī kalī kī baas

ashkoñ se kis ko pyaar hai aahoñ se kis ko uns

lekin ye dil ki jis ko ḳhushī aa sakī na raas

hoshyār ai naved-e-ajal luT na jā.iyo

phirtā hai koī āTh-pahr dil ke aas paas

aañsū ho mai ho zahr ho āb-e-hayāt ho

juz ḳhūn-e-ārzū na mujhe zindagī kī pyaas

jaise kabhī ta.alluq-e-ḳhātir na rahā

yuuñ ruuTh kar chalī ga.ī 'shohrat' har ek aas

koThe ujaD khiDkiyan chup raste udas

jate hi un ke kuchh na raha zindagi ke pas

do pal baras ke abr ne dariya ka ruKH kiya

tapti zamin se pahron nikalti rahi bhaDas

miTTi ki saundh jate hue sath le uDi

Dali ka loch pat ki sabzi kali ki bas

ashkon se kis ko pyar hai aahon se kis ko uns

lekin ye dil ki jis ko KHushi aa saki na ras

hoshyar ai nawed-e-ajal luT na jaiyo

phirta hai koi aaTh-pahr dil ke aas pas

aansu ho mai ho zahr ho aab-e-hayat ho

juz KHun-e-arzu na mujhe zindagi ki pyas

jaise kabhi talluq-e-KHatir na raha

yun ruTh kar chali gai 'shohrat' har ek aas