kuchh ab ke bahaaron ka bhi andaz naya hai

kuchh ab ke bahāroñ kā bhī andāz nayā hai

har shāḳh pe ġhunche kī jagah zaḳhm khilā hai

do ghūñT pilā de koī mai ho ki halāhil

vo tishna-labī hai ki badan TuuT rahā hai

us riñd-e-siyah-mast kā īmān na pūchho

tishna ho to maḳhlūq hai pī le to ḳhudā hai

kis baam se aatī hai tirī zulf kī ḳhushbū

dil yādoñ ke ziine pe khaḌā soch rahā hai

kal us ko tarāshoge to pūjegā zamāna

patthar kī tarah aaj jo rāhoñ meñ paḌā hai

dīvānoñ ko saudā-e-talab hī nahīñ varna

har siine kī dhaḌkan kisī manzil kī sadā hai

kuchh ab ke bahaaron ka bhi andaz naya hai

har shaKH pe ghunche ki jagah zaKHm khila hai

do ghunT pila de koi mai ho ki halahil

wo tishna-labi hai ki badan TuT raha hai

us rind-e-siyah-mast ka iman na puchho

tishna ho to maKHluq hai pi le to KHuda hai

kis baam se aati hai teri zulf ki KHushbu

dil yaadon ke zine pe khaDa soch raha hai

kal us ko tarashoge to pujega zamana

patthar ki tarah aaj jo rahon mein paDa hai

diwanon ko sauda-e-talab hi nahin warna

har sine ki dhaDkan kisi manzil ki sada hai