kuchh apna aashna kyun ai dil-e-nadan nahin hota

kuchh apnā āshnā kyuuñ ai dil-e-nādāñ nahīñ hotā

ki aa.e ye rañg gardish-e-daurāñ nahīñ hotā

ḳhushī ke vāste paidā huā hai kaun duniyā meñ

magar ham bhī ahl-e-dard ke shāyāñ nahīñ hotā

kabhī pābandiyoñ se chhuT ke bhī dam ghulne lagtā hai

dar-o-dīvār huuñ jis meñ vahī zindāñ nahīñ hotā

vahī hai misr meñ har kūcha-o-bāzār kī raunaq

magar har bikne vaalā yūsuf-e-kan.āñ nahīñ hotā

kabhī tañg aa ke us ke husn se inkār bhī kar le

koī be-kufr ke shā.ista-e-īmāñ nahīñ hotā

yaqīñ laa.eñ to kyā laa.eñ jo shak laa.eñ to kyā laa.eñ

ki bātoñ meñ tirī sach jhuuT kā imkāñ nahīñ hotā

hamārā tajraba ye hai ki ḳhush honā mohabbat meñ

kabhī mushkil nahīñ hotā kabhī āsāñ nahīñ hotā

ye vo parda hai jo doshīzgī ko aur chamkā de

siyah-kārī se husn ālūda-e-isyāñ nahīñ hotā

nigāh-e-ahl-e-dil se inqalāb aa.e haiñ duniyā meñ

yaqīñ rakh ishq itnā be-sar-o-sāmāñ nahīñ hotā

'firāq' ik ik se baḌh kar chāra-sāz-e-dard haiñ lekin

ye duniyā hai yahāñ har dard kā darmāñ nahīñ hotā

kuchh apna aashna kyun ai dil-e-nadan nahin hota

ki aae ye rang gardish-e-dauran nahin hota

KHushi ke waste paida hua hai kaun duniya mein

magar hum bhi ahl-e-dard ke shayan nahin hota

kabhi pabandiyon se chhuT ke bhi dam ghulne lagta hai

dar-o-diwar hun jis mein wahi zindan nahin hota

wahi hai misr mein har kucha-o-bazar ki raunaq

magar har bikne wala yusuf-e-kanan nahin hota

kabhi tang aa ke us ke husn se inkar bhi kar le

koi be-kufr ke shaista-e-iman nahin hota

yaqin laen to kya laen jo shak laen to kya laen

ki baaton mein teri sach jhuT ka imkan nahin hota

hamara tajraba ye hai ki KHush hona mohabbat mein

kabhi mushkil nahin hota kabhi aasan nahin hota

ye wo parda hai jo doshizgi ko aur chamka de

siyah-kari se husn aaluda-e-isyan nahin hota

nigah-e-ahl-e-dil se inqalab aae hain duniya mein

yaqin rakh ishq itna be-sar-o-saman nahin hota

'firaq' ek ek se baDh kar chaara-saz-e-dard hain lekin

ye duniya hai yahan har dard ka darman nahin hota