kuchh be-tartib sitaron ko palkon ne kiya tasKHir to kya

kuchh be-tartīb sitāroñ ko palkoñ ne kiyā tasḳhīr to kyā

vo shaḳhs nazar bhar ruk na sakā ehsās thā dāman-gīr to kyā

kuchh bante miTte dā.ere se ik shakl hazāroñ tasvīreñ

sab naqsh o nigār uruuj pe the āñkheñ thiiñ zavāl-pazīr to kyā

ḳhush huuñ ki kisī kī mahfil meñ arzāñ thī matā-e-bedārī

ab āñkheñ haiñ be-ḳhvāb to kyā ab ḳhvāb haiñ be-tābīr to kyā

ḳhvāhish ke musāfir to ab tak tārīki-e-jāñ meñ chalte haiñ

ik dil ke nihāñ-ḳhāne meñ kahīñ jaltī hai sham-e-zamīr to kyā

sahrā-e-tamannā meñ jis ke jiine kā javāz hī jhoñke hoñ

us ret ke zarroñ ne mil kar ik naam kiyā tahrīr to kyā

likhtā huuñ to poroñ se dil tak ik chāñdnī sī chhā jaatī hai

'qāsir' vo hilāl-e-harf kabhī ho paa.e na māh-e-munīr to kyā

kuchh be-tartib sitaron ko palkon ne kiya tasKHir to kya

wo shaKHs nazar bhar ruk na saka ehsas tha daman-gir to kya

kuchh bante miTte daere se ek shakl hazaron taswiren

sab naqsh o nigar uruj pe the aankhen thin zawal-pazir to kya

KHush hun ki kisi ki mahfil mein arzan thi mata-e-bedari

ab aankhen hain be-KHwab to kya ab KHwab hain be-tabir to kya

KHwahish ke musafir to ab tak tariki-e-jaan mein chalte hain

ek dil ke nihan-KHane mein kahin jalti hai sham-e-zamir to kya

sahra-e-tamanna mein jis ke jine ka jawaz hi jhonke hon

us ret ke zarron ne mil kar ek nam kiya tahrir to kya

likhta hun to poron se dil tak ek chandni si chha jati hai

'qasir' wo hilal-e-harf kabhi ho pae na mah-e-munir to kya