kuchh bhi nahin raha hai ahd-e-wafa ki tha

kuchh bhī nahīñ rahā hai ahd-e-vafā ki thā

dillī jo shahr-e-dil thā jo kuchh bhī thā ki thā

sābit nahīñ kisī se ik zāviya ki thā

sābit kī har kamī se sābit huā ki thā

sab ko milā masīhā sab se nahīñ milā

kuchh kā taḌap ke marnā ik faisla ki thā

jab bhī vahī ḳhudā thā ab bhī vahī ḳhudā

ik thā ḳhudā nahīñ thā ik hai ḳhudā ki thā

jaate haiñ sab falak ko aa.e falak se kuchh

ik silsila hai jaarī ik silsila ki thā

āñkheñ bhī raqs meñ thiiñ ruumī bhī raqs meñ

bas raqs rah gayā hai ik falsafa ki thā

terā sarāb-chehra sahrā-e-vaqt meñ

lagtā rahā nahīñ hai dikhtā rahā ki thā

maddham sī raushnī thī halkā sā chāñd thā

dil ko sukūn 'āmir' aañsū bahā ki thā

kuchh bhi nahin raha hai ahd-e-wafa ki tha

dilli jo shahr-e-dil tha jo kuchh bhi tha ki tha

sabit nahin kisi se ek zawiya ki tha

sabit ki har kami se sabit hua ki tha

sab ko mila masiha sab se nahin mila

kuchh ka taDap ke marna ek faisla ki tha

jab bhi wahi KHuda tha ab bhi wahi KHuda

ek tha KHuda nahin tha ek hai KHuda ki tha

jate hain sab falak ko aae falak se kuchh

ek silsila hai jari ek silsila ki tha

aankhen bhi raqs mein thin rumi bhi raqs mein

bas raqs rah gaya hai ek falsafa ki tha

tera sarab-chehra sahra-e-waqt mein

lagta raha nahin hai dikhta raha ki tha

maddham si raushni thi halka sa chand tha

dil ko sukun 'amir' aansu baha ki tha