kuchh hai KHabar farishton ke jalte hain par kahan

kuchh hai ḳhabar farishtoñ ke jalte haiñ par kahāñ

jaatī hai be-adab nigah-e-parda-dar kahāñ

ye sham-o-anjuman ye mai-o-jām ye bahār

mehmān raat bhar ke haiñ vaqt-e-sahar kahāñ

nazzāra-e-jamāl hai go jān-e-zindagī

vārafta-e-jamāl ko fursat magar kahāñ

dil arsh-gāh-e-husn hai dil jalva-gāh-e-nāz

ye aap hī kā ghar hai hamārī guzar kahāñ

hai vaqt-e-naz.a aur ġham-e-ishq duur duur

jaatā hai saath chhoḌ ke ye ham-safar kahāñ

is be-ḳhudī-e-shauq meñ 'abrār' kis ko hosh

manzil kahāñ hai maiñ huuñ kahāñ rāhbar kahāñ

kuchh hai KHabar farishton ke jalte hain par kahan

jati hai be-adab nigah-e-parda-dar kahan

ye sham-o-anjuman ye mai-o-jam ye bahaar

mehman raat bhar ke hain waqt-e-sahar kahan

nazzara-e-jamal hai go jaan-e-zindagi

warafta-e-jamal ko fursat magar kahan

dil arsh-gah-e-husn hai dil jalwa-gah-e-naz

ye aap hi ka ghar hai hamari guzar kahan

hai waqt-e-naza aur gham-e-ishq dur dur

jata hai sath chhoD ke ye ham-safar kahan

is be-KHudi-e-shauq mein 'abrar' kis ko hosh

manzil kahan hai main hun kahan rahbar kahan