kuchh is tarah se basar ki hai zindagi maine

kuchh is tarah se basar kī hai zindagī maiñ ne

ġhamoñ kī chhāñv meñ DhūñDī hai sarḳhushī maiñ ne

jo merī zaat kā sab se baḌā muḳhālif thā

matā'-e-umr usī ko hī baḳhsh dī ham ne

mujhe nikāl diyā us ne dil kī bastī se

ki baat dil kī sar-e-bazm kyuuñ kahī maiñ ne

husūl-e-zar kā jo mauqa' kabhī milā mujh ko

gañvā diyā hai use kar ke shā'irī maiñ ne

har ek shaḳhs mirī dostī kā tālib thā

har ek shaḳhs se lī mol dushmanī maiñ ne

ye merā naam 'munavvar' zarūr hai lekin

kabhī na paa.ī qarīb apne raushnī maiñ ne

kuchh is tarah se basar ki hai zindagi main ne

ghamon ki chhanw mein DhunDi hai sarKHushi main ne

jo meri zat ka sab se baDa muKHalif tha

mata'-e-umr usi ko hi baKHsh di hum ne

mujhe nikal diya us ne dil ki basti se

ki baat dil ki sar-e-bazm kyun kahi main ne

husul-e-zar ka jo mauqa' kabhi mila mujh ko

ganwa diya hai use kar ke sha'iri main ne

har ek shaKHs meri dosti ka talib tha

har ek shaKHs se li mol dushmani main ne

ye mera nam 'munawwar' zarur hai lekin

kabhi na pai qarib apne raushni main ne