kuchh is tarah sula diya gaya mujhe

kuchh is tarah sulā diyā gayā mujhe

ki jāgnā bhulā diyā gayā mujhe

koī to hai jo us ko yaad hai bahut

ye kis tarah bhulā diyā gayā mujhe

maiñ ḳhud ko dūsroñ se kyā judā karūñ

bahut milā-julā diyā gayā mujhe

na jaane ye namī kahāñ se aa ga.ī

na jaane kab rulā diyā gayā mujhe

vo ek dar bhī pāniyoñ ke ruḳh pe thā

jo ek dar khulā diyā gayā mujhe

kuchh is tarah sula diya gaya mujhe

ki jagna bhula diya gaya mujhe

koi to hai jo us ko yaad hai bahut

ye kis tarah bhula diya gaya mujhe

main KHud ko dusron se kya juda karun

bahut mila-jula diya gaya mujhe

na jaane ye nami kahan se aa gai

na jaane kab rula diya gaya mujhe

wo ek dar bhi paniyon ke ruKH pe tha

jo ek dar khula diya gaya mujhe