aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kuchh ishaare the jinhen duniya samajh baiThe the hum

Firaq Gorakhpuri

kuchh ishaare the jinhen duniya samajh baiThe the hum

Firaq Gorakhpuri

MORE BYFiraq Gorakhpuri

    kuchh ishāre the jinheñ duniyā samajh baiThe the ham

    us nigāh-e-āshnā ko kyā samajh baiThe the ham

    rafta rafta ġhair apnī nazar meñ ho ga.e

    vāh-rī ġhaflat tujhe apnā samajh baiThe the ham

    hosh taufīq bhī kab ahl-e-dil ko ho sakī

    ishq meñ apne ko dīvāna samajh baiThe the ham

    parda-e-āzurdagī meñ thī vo jān-e-iltifāt

    jis adā ko ranjish-e-bejā samajh baiThe the ham

    kyā kaheñ ulfat meñ rāz-e-be-hisī kyūñkar khulā

    har nazar ko terī dard-afzā samajh baiThe the ham

    be-niyāzī ko tirī paayā sarāsar soz o dard

    tujh ko ik duniyā se begāna samajh baiThe the ham

    inqalāb-e-pai-ba-pai har gardish o har daur meñ

    is zamīn o āsmāñ ko kyā samajh baiThe the ham

    bhuul baiThī vo nigāh-e-nāz ahd-e-dostī

    us ko bhī apnī tabī.at samajh baiThe the ham

    saaf alag ham ko junūn-e-āshiqī ne kar diyā

    ḳhud ko tere dard pardā samajh baiThe the ham

    kaan bajte haiñ mohabbat ke sukūt-e-nāz ko

    dāstāñ ḳhatm ho jaanā samajh baiThe the ham

    bātoñ bātoñ meñ payām-e-marg bhī aa gayā

    un nigāhoñ ko hayāt-afzā samajh baiThe the ham

    ab nahīñ tāb-e-sipās-e-husn is dil ko jise

    be-qrār-e-shikva-e-bejā samajh baiThe the ham

    ek duniyā dard tasvīr niklī ishq ko

    koh-kan aur qais qissa samajh baiThe the ham

    rafta rafta ishq mānūs-e-jahāñ hotā chalā

    ḳhud ko tere hijr meñ tanhā samajh baiThe the ham

    husn ko ik husn samjhe nahīñ aur ai 'firāq'

    mehrbāñ nā-mehrbāñ kyā kyā samajh baiThe the ham

    kuchh ishaare the jinhen duniya samajh baiThe the hum

    us nigah-e-ashna ko kya samajh baiThe the hum

    rafta rafta ghair apni hi nazar mein ho gae

    wah-ri ghaflat tujhe apna samajh baiThe the hum

    hosh ki taufiq bhi kab ahl-e-dil ko ho saki

    ishq mein apne ko diwana samajh baiThe the hum

    parda-e-azurdagi mein thi wo jaan-e-iltifat

    jis ada ko ranjish-e-beja samajh baiThe the hum

    kya kahen ulfat mein raaz-e-be-hisi kyunkar khula

    har nazar ko teri dard-afza samajh baiThe the hum

    be-niyazi ko teri paya sarasar soz o dard

    tujh ko ek duniya se begana samajh baiThe the hum

    inqalab-e-pai-ba-pai har gardish o har daur mein

    is zamin o aasman ko kya samajh baiThe the hum

    bhul baiThi wo nigah-e-naz ahd-e-dosti

    us ko bhi apni tabiat ka samajh baiThe the hum

    saf alag hum ko junun-e-ashiqi ne kar diya

    KHud ko tere dard ka parda samajh baiThe the hum

    kan bajte hain mohabbat ke sukut-e-naz ko

    dastan ka KHatm ho jaana samajh baiThe the hum

    baaton baaton mein payam-e-marg bhi aa hi gaya

    un nigahon ko hayat-afza samajh baiThe the hum

    ab nahin tab-e-sipas-e-husn is dil ko jise

    be-qrar-e-shikwa-e-beja samajh baiThe the hum

    ek duniya dard ki taswir nikli ishq ko

    koh-kan aur qais ka qissa samajh baiThe the hum

    rafta rafta ishq manus-e-jahan hota chala

    KHud ko tere hijr mein tanha samajh baiThe the hum

    husn ko ek husn hi samjhe nahin aur ai 'firaq'

    mehrban na-mehrban kya kya samajh baiThe the hum

    RECITATIONS

    Nomaan Shauque

    Nomaan Shauque,

    Nomaan Shauque

    kuchh ishaare the jinhen duniya samajh baiThe the hum Nomaan Shauque

    Source:

    Gul-e-Naghma (Pg. 42)

    • Author: Firaq Gorakhpuri
      • Edition: 2006
      • Publisher: Maktaba Farogh-e-urdu Matia Mahal Jama Masjid Delhi
      • Year of Publication: 2006

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now