kuchh KHabar lai to hai baad-e-bahaari uski
kuchh ḳhabar laa.ī to hai bād-e-bahārī us kī
shāyad is raah se guzregī savārī us kī
merā chehra hai faqat us kī nazar se raushan
aur baaqī jo hai mazmūn-nigārī us kī
aañkh uThā kar jo ravādār na thā dekhne kā
vahī dil kartā hai ab minnat o zaarī us kī
raat kī aañkh meñ haiñ halke gulābī Dore
niiñd se palkeñ huī jaatī haiñ bhārī us kī
us ke darbār meñ hāzir huā ye dil aur phir
dekhne vaalī thī kuchh kār-guzārī us kī
aaj to us pe Thahartī hī na thī aañkh zarā
us ke jaate hī nazar maiñ ne utārī us kī
arsa-e-ḳhvāb meñ rahnā hai ki lauT aanā hai
faisla karne kī is baar hai baarī us kī
kuchh KHabar lai to hai baad-e-bahaari us ki
shayad is rah se guzregi sawari us ki
mera chehra hai faqat us ki nazar se raushan
aur baqi jo hai mazmun-nigari us ki
aankh uTha kar jo rawadar na tha dekhne ka
wahi dil karta hai ab minnat o zari us ki
raat ki aankh mein hain halke gulabi Dore
nind se palken hui jati hain bhaari us ki
us ke darbar mein hazir hua ye dil aur phir
dekhne wali thi kuchh kar-guzari us ki
aaj to us pe Thaharti hi na thi aankh zara
us ke jate hi nazar main ne utari us ki
arsa-e-KHwab mein rahna hai ki lauT aana hai
faisla karne ki is bar hai bari us ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
