kuchh lagi dil ki bujha lun to chale jaiyega

kuchh lagī dil kī bujhā luuñ to chale jā.iyegā

ḳhair siine se lagā luuñ to chale jā.iyegā

maiñ za-ḳhud rafta huā sunte hī jaane kī ḳhabar

pahle maiñ aap meñ aa luuñ to chale jā.iyegā

rāsta ghere haiñ armān-o-qalaq hasrat-o-yās

maiñ zarā bhiiḌ haTā luuñ to chale jā.iyegā

pyaar kar luuñ ruḳh-e-raushan kī balā.eñ le luuñ

qadam āñkhoñ se lagā luuñ to chale jā.iyegā

mere hone hī ne ye roz-e-siyah dikhlāyā

apnī hastī ko miTā luuñ to chale jā.iyegā

chhoḌ kar zinda mujhe aap kahāñ jā.eñge

pahle maiñ jaan se jā luuñ to chale jā.iyegā

aap ke jaate hī 'bedam' kī sunegā phir kaun

apnī biitī maiñ sunā luuñ to chale jā.iyegā

kuchh lagi dil ki bujha lun to chale jaiyega

KHair sine se laga lun to chale jaiyega

main za-KHud rafta hua sunte hi jaane ki KHabar

pahle main aap mein aa lun to chale jaiyega

rasta ghere hain arman-o-qalaq hasrat-o-yas

main zara bhiD haTa lun to chale jaiyega

pyar kar lun ruKH-e-raushan ki balaen le lun

qadam aankhon se laga lun to chale jaiyega

mere hone hi ne ye roz-e-siyah dikhlaya

apni hasti ko miTa lun to chale jaiyega

chhoD kar zinda mujhe aap kahan jaenge

pahle main jaan se ja lun to chale jaiyega

aap ke jate hi 'bedam' ki sunega phir kaun

apni biti main suna lun to chale jaiyega