kuchh mile ya na mile milte milate rahiye

kuchh mile yā na mile milte milāte rahiye

shauq achchhā hai ise ḳhuub baḌhāte rahiye

dost gar kaam na aa.e to koī baat nahīñ

un ko is baat kā ehsās karāte rahiye

aap ke aane se logoñ ko jalan hotī hai

hai ye duniyā kā chalan aap to aate rahiye

maiñ burā huuñ to kyā aap bhī aise hoñge

aap achchhe haiñ ye sab ko batāte rahiye

mujh pe ehsān kareñ aap guzārish hai mirī

mujh ko har roz isī tarah satāte rahiye

mere rone pe ka.ī shaḳhs hañsā karte haiñ

ho sake aap se to mujh ko rulāte rahiye

kuchh mile ya na mile milte milate rahiye

shauq achchha hai ise KHub baDhate rahiye

dost gar kaam na aae to koi baat nahin

un ko is baat ka ehsas karaate rahiye

aap ke aane se logon ko jalan hoti hai

hai ye duniya ka chalan aap to aate rahiye

main bura hun to kya aap bhi aise honge

aap achchhe hain ye sab ko batate rahiye

mujh pe ehsan karen aap guzarish hai meri

mujh ko har roz isi tarah satate rahiye

mere rone pe kai shaKHs hansa karte hain

ho sake aap se to mujh ko rulate rahiye