kuchh ne puchha haal hamara kuchh itra kar chale gae

kuchh ne pūchhā haal hamārā kuchh itrā kar chale ga.e

achchhe mere din dekhe to sab ġham khā kar chale ga.e

begānī mahfil meñ āḳhir kab tak saath Thaharte vo

thoḌī der to Thahre the phir kaam batā kar chale ga.e

lā-vāris lāshoñ par āḳhir kaun hī ashk bahātā hai

sab ne ik tasvīr utārī aur bisrā kar chale ga.e

tum se bas milne bhar ko maiñ saat samundar guzrī thī

tum aa.e bas rasm nibhāne rasm nibhā kar chale ga.e

kuchh ne puchha haal hamara kuchh itra kar chale gae

achchhe mere din dekhe to sab gham kha kar chale gae

begani mahfil mein aaKHir kab tak sath Thaharte wo

thoDi der to Thahre the phir kaam bata kar chale gae

la-waris lashon par aaKHir kaun hi ashk bahata hai

sab ne ek taswir utari aur bisra kar chale gae

tum se bas milne bhar ko main sat samundar guzri thi

tum aae bas rasm nibhane rasm nibha kar chale gae